Futbol üzrə Fransa çempionatında 13-cü turun oyunları keçirilib.
“Lill” – “Monako” oyunun ilk hissəsində hesab açılmayıb. 1-ci qol 53-cü dəqiqəyə təsadüf edib. Meydan sahiblərinin heyətində Conatan Devid fərqlənib. 62-ci dəqiqədə Conatan Devid Yusuf Yazıçı ilə əvəzlənib. Türkiyəli futbolçu baş məşqçinin etimadını doğruldub və cəmi 3 dəqiqədən sonra topu qapıdan keçirib. Qonaqların gücü isə yalnız təsəlli qoluna çatıb. Pietro Pellegri qarşılaşmada son nöqtəni qoyub: “Lill” – “Monako” 2:1
“Lion” isə səfərdə “Mets”ə qalib gəlib. Görüşün əvvəlində “Mets”in futbolçusu Fərid Bulaya penaltidən yararlana bilməyib. Əvəzində Memfis Depay hesabı açıb. Fasilədən sonra Lion futbolçuları daha 2 qol vurublar. Hər iki halda Karl Toko Ekambi fərqlənib. Meydan sahiblıəri buraxılan toplardan yalnız birinin əvəzini çıxa biliblər. Fərid Bulaya “Mets”in təsəlli qolunu vurub: “Mets” – “Lion” 1:3.
Qeyd edək ki, görüşün sonunda “Mets”in heyətində Con Boy, qonaqlarda isə Rayan Şerki qırmızı vərəqə ilə cəzalandırılıb. 13 turdan sonra PSJ 28 xalla yarış cədvəlinə başçılıq edir. Liderin ən yaxın izləyiciləri “Lion və “Lill” 2 xal geri qalırlar.